ထီ

နွေးထွေးသာယာတဲ့နွေရာသီမနက်ခင်းတစ်ခုဖြစ်တဲ့ဇွန်လ(၂၇)ရက်နေ့မှာပေါ့။
ရွာထဲကလူတွေ ရွာလယ်က ရင်ပြင်ကြီးမှာ ၁၀ နာရီလောက်ကတည်းက စုဝေးပြီးရောက်ရှိနေကြသည်။တခြားလူအများကြီးရှိတဲ့ ရွာတွေမှာ ထီဖွင့်ပွဲကို နှစ်ရက်ကြာကြာကျင်းပရသော်လည်း
လူ သုံးထောင်လောက်ပဲရှိတဲ့ ဤရွာကလေးကတော့ ထီဖွင့်ပွဲတစ်ပွဲလုံးအတွက် ကြာချိန်
(၂)နာရီလောက်သာလိုသည်။(၁၀)နာရီမှာစရင်အိမ်ပြန်ပြီးနေ့လယ်စာတောင်ပြန်စားနိုင်သေးသည်။

လူတွေတဖွဲဖွဲရောက်လာကြသည်။ စစချင်း ကလေးတွေကစုဝေးကြသည်။ စုမိပြီဆိုတာနဲ့
မကြာသေးခင်ကမှ ကျောင်းပိတ်ထားတာဆိုတော့ ကျောင်းအကြောင်း ဆရာ၊ဆရာမတွေအကြောင်းစာအကြောင်းတွေ သာသူတို့၏ စကားတွေထဲဖုံးလွှမ်းနေသည်။ ကောင်လေးတစ်ယောက်က ကျောက်စရစ်ခဲလက်တစ်ဆုပ်စာကောက်ပြီးအိတ်ကပ်ထဲထည့်လိုက်သည်။
တခြားကလေးတွေကလည်းသူ့အတိုင်းလိုက်ကောက်ကြသည်။ ကလေးတွေစုပြီး
ကောက်ထားတဲ့ကျောက်တုံးတွေက ထောင့်တစ်ထောင့်မှာ အပုံလိုက်ကြီးရှိနေပြီဖြစ်သည်။

အိမ်ထောင်ဦးစီးများမှာလည်း စုဝေးပြီး ကောက်ပဲသီးနှံအကြောင်း မိုးအကြောင်း
အခွန်အကြောင်းများပြောကာ စကားဝိုင်းဖွဲ့နေကြသည်။ သူတို့၏မျက်နှာပေါ်မှာ
ရယ်မောခြင်းထက်စာလျှင် ရိုးရိုးသာမန်အပြုံးမျိုးကိုသာ တွေ့နေရသည်။ အမျိုးသမီးများမှာလည်းအိမ်အလုပ်များကိုမြန်မြန်လက်စသတ်ပြီးရောက်ရှိလာကြသည်။
တစ်ယောက်နှင့်တစ်ယောက်တွေ့သောအခါ မိန်းမတို့ထုံးစံအတိုင်း အလာပသလာပပြောကာ စကားဝိုင်းဖွဲ့နေကြသည်။အမျိုးသမီးများရောက်လာပြီး ခဏကြာသော် ဆော့ကစားနေသော
ကလေးများကိုခေါ်လိုက်ပြီး ပွဲအတွက်နေရာယူကြလေသည်။

ထီဖွင့်ပွဲကြီးစတင်လေပြီ။ ဦးဆောင်ကျင်းပသော မစ္စတာ စမ်းမားစ်( Mr.Summers)
ကဖော်ဖော်ရွေရွေရှိသူတစ်ယောက် ဖြစ်သော်လည်း အိမ်ထောင်ရေးအခြေအနေ
မကောင်းရှာသူဖြစ်သည်။ သားသမီးမထွန်းကားသည့်အပြင်အပြောအဆို ကြမ်းတမ်းလှသော
အမျိုးသမီးကိုရထားသည်။ ထီဖွင့်ပွဲအတွက် မဲလိပ်များထည့်ထားသောလေးထောင့်
ဗူးအမဲလေးကိုယူလာလေသည်။ ထိုဗူးသည် မူလတုန်းကသုံးစွဲခဲ့သောဗူးမဟုတ်သော်လည်း
ထိုဗူး၏အပိုင်းအစတစ်ချို့ဖြင့် ပြုလုပ်ထားသည်။ ဒီဗူးလေးဟာ သုံးစွဲတာကြာမြင့်နေပြီဖြစ်သောကြောင့် တစ်ချို့နေရာတွေမှာဆေးတွေပျက်၊ အခြစ်ရာတွေ ထင်နေသော်လည်း ဗူးအသစ်လဲမည်ဟုပြောလိုက်တိုင်း
လူတွေကလက်မခံပေ။ ရိုးရာဓလေ့လိုဖြစ်နေသောထိုဗူးလေးကို အပျောက်အပျက်မခံချင်လို
သောကြောင့်ပင်လားတော့မသိ။ ထီဖွင့်ပွဲအတွက် မဲလိပ်များကိုမွှေရန် တစ်ယောက်တည်း မလုပ်နိုင်သဖြင့်
မစ္စတာ စမ်းမားစ် ကလူအုပ်ကြီးကိုအကူအညီတောင်းလိုက်သော် သားအဖနှစ်ယောက်စင်ပေါ်တက်လာကာ
အကူအညီပေးလေသည်။ ထိုအခါ သုံးယောက်သား ခုံတစ်လုံးပေါ် သေတ္တာကိုတင်ကာ မဲလိပ်များကို မွှေကြသည်။

မဲလိပ်များမွှေပြီးသော် အိမ်ထောင်ဦးစီးများစတင်ကာမဲနှိုက်ကြသည်။ အဲဒီအချိန်မှာပဲ Mrs.Hutchinson ကအလောတကြီးရောက်လာသည်။ သူမရဲ့သူငယ်ချင်းဖြစ်သူ Mrs.Delacroix ကို

“ ဒီနေ့ထီဖွင့်ပွဲဆိုတာမေ့နေတာလေ.. အိမ်ရောက်တော့တစ်ယောက်မှမရှိတော့ ပြက္ခဒိန်ကြည့်လိုက်တော့
၂၇ ရက်ဆိုတာနဲ့ အမြန်ထွက်လာခဲ့တာ”

ဟု လှမ်းနှုတ်ဆက်လိုက်ပြီး လူအုပ်ကြီးထဲကိုတိုးဝှေ့ကာ သူမ၏မိသားစုဆီသို့သွားလိုက်သည်။ လူအုပ်ကြီးကလည်း အသာတကြည်ပဲလမ်းဖယ်ပေးသည်။
မစ္စတာ စမ်းမားစ်က ၀မ်းသာအားရနဲ့

“ကျုပ်တို့ခင်ဗျားမပါပဲနဲ့ စရတော့မလို့ ကံကောင်းတယ်ဗျာ.. ”
ဆိုပြီး ပြောလိုက်သည်။ “တော်သေးတယ် ကဲမြန်မြန်စလိုက်ကြရအောင် အချိန်တောင်တော်တော်
နှောင်းနေပြီ မရောက်သေးတဲ့သူရှိသေးလား”

လို့လှမ်းမေးလိုက်တော့ “Dunbar” ဆိုပြီးလူအုပ်ထဲက
အသံထွက်လာသည်။ ထိုအခါ မစ္စတာ စမ်းမားစ် က

“သူက ခြေထောက်ကျိုးနေတာလေ.. သူ့အစားဘယ်သူဝင်ပေးမလဲ”
ဟုမေးလိုက်သောအခါ အမျိုးသမီးတစ်ဦးက “ ကျွန်မ ၀င်မယ်” ဟုပြောလိုက်သည်။

“ မိန်းမ က ယောက်ျားအစားဝင်မယ်.. သူ့မှာသားမရှိဘူးလား.. ”

“ သားက ၁၆ နှစ်မပြည့်သေးဘူးလေ.. ဒီနှစ်တောကျွန်မပဲလုပ်ရတော့မယ်.. ”

“ကောင်းပြီလေ.. Watson ကောရောက်ပြီလားဟေ့”
ကောင်လေးတစ်ယောက်ကလက်ထောင်ကာ
“ကျွန်တော်က ကျွန်တော့်အမေနဲ့ကျွန်တော့် အတွက် ၀င်ပြိုင်မှာပါ.. ”

“ကောင်းတယ်ကောင်းတယ်.. မင်းအမေအတွက်ဝမ်းသာတယ်ကွာ.. အဘိုး Warner ကော လာရဲ့လား.. ”
“ဒီမှာပါ.. ” ဟုအသံတစ်သံကဖြေလိုက်သည်။ မစ္စတာ စမ်းမားစ် ကခေါင်းငြိမ့်လိုက်ပြီးတော့ ဖွင့်ပွဲကိုစတင်လိုက်သည်။

“ပထမဆုံးအိမ်ထောင်ဦးစီးတွေစနှိုက်မယ်.. ပြီးရင်ကိုယ်ရတဲ့စာရွက်ကို ကိုယ်ပဲကိုင်ထား.. အားလုံးနှိုက်ပြီးမှဖွင့်ကြည့်ရမယ်.. ရှင်းတယ်နော်.. ”

ဟုသူကကြေညာသော်လည်း အကြိမ်ပေါင်းများစွာလုပ်ဖူးသောရွာသားများက နားထောင်တစ်ဝက်မထောင်တစ်ဝက် နှင့်။ လူတွေအားလုံးငြိမ်သက်နေကြသည်။ တစ်ယောက်ပြီးတစ်ယောက်စင်ပေါ်တက်လာကာ
မဲနှိုက်ပြီး ပြန်ဆင်းသွားကြသည်။ ဒီလိုနဲက Hutchinson မိသားစုအလှည့်ရောက်လာသည်။
“Harburt ... Hutchinson” ဟုခေါ်လိုက်တော့ Mr.Hutchinson က စင်ပေါ်တက်သွားသည်။

အဘိုးအို Warner ကသူ့ဘေးက လူအား

“လူတွေကတော်တော် အတွေးအခေါ်ညံ့သေးတာပဲ.. မြောက်ဘက်ရွာကလူတွေ က
ထီကိုစွန့်လိုက်ပြီတဲ့.. ဘယ်လိုစဉ်းစားနေကြလဲမသိပါဘူး.. ထီသာမရှိရင်အစားအသောက်
ကျပ်တည်းမှာကို သူတို့မတွေးမိဘူးလား.. ထီမရှိရင် တို့တတွေတော့ အစားအသောက်
ဆင်းရဲတော့မှာပဲ.. ထီကိုလုံးဝလက်လွှတ်လို့ရတာမှမဟုတ်တာ.. ”

ဆိုပြီး မကျေမနပ်ပြောနေသည်။
Mrs.Adams က “တခြားနေရာတွေကတော့ ဆက်မလုပ်ကြတော့ဘူး” ဟုပြောသော်
“အဲဒါပြောတာပေါ့။ ဥာဏ်မရှိကြတာလေ” ဟု Warner က ပြန်ပြောလိုက်သည်။

“ Martin ” ဟုခေါ်တော့ Mr.Martin စင်ပေါ်တက်သွားသည်။
“ သူတို့မြန်မြန်လုပ်ရင်ကောင်းမယ်.. ”
“ သူတို့လုပ်နေတာ ပြီးတော့မှာပါ အမေရဲ့.. ” ဟုသားအမိနှစ်ယောက်အပြန်အလှန်ပြောဆိုနေကြသည်။
Mr. Martin အလှည့်ပြီးတော့ မစ္စတာ စမ်းမားစ် က သူ့နာမည်ကိုသူပြန်ခေါ်ပြီး မဲလိပ်ကိုနှိုက်လိုက်သည်။
ပြီးတော့ မဲလိပ်ကိုလက်နှင့်ဆုပ်ထားပြီး လက်အနောက်ပစ်ကာ “Warner” ဟုခေါ်လိုက်သည်။

“ ငါဒီထီ မှာ ပါဝင်လာတာ (၇၇) နှစ်ရှိပြီ.. (၇၇) ကြိမ်ရှိပြီ.. ”

ဟုပါးစပ်က ရွတ်ပြီး အဘိုး Warner ကစင်ပေါ်တက်လာသည်။
မဲနှိုက်ပြီးတော့ လူတွေတိတ်ဆိတ်သွားလေသည်။ ခဏလောက်ငြိမ်သက်သွားသည်။ မစ္စတာ စမ်းမားစ် က မဲလိပ်ကိုဖွင့်လိုက်မှ စကားသံတွေပြန်ထွက်လာပြီး သူသူငါငါ ကိုယ့်မဲလိပ်များကိုဖွင့်ကြည့်ကြသည်။
“ဘယ်သူလဲ.. ဘယ်သူရလဲ.. ”
“Dunbars တို့မိသားစုလား.. ”
“Watsons တို့လား.. ” ဟုတစ်ယောက်တစ်ပေါက်နှင့်မေးမြန်းကြသည်။
“ Hutchinson ရသွားတာ.. Bill လေ.. Bill Hutchinson ရသွားတယ်.. ”
ဟုအသံထွက်ပေါ်လာသည်။

လူတွေက Hutchinsons တို့မိသားစုကို လှည့်ကြည့်ကြသည်။ Bill Hutchinson က တိတ်ဆိတ်စွာ ရပ်ပြီး လက်ထဲက မဲလိပ်ကိုစိုက်ကြည့်နေသည်။ ရုတ်တရက် Mrs.Hutchinson ရဲ့အသံထွက်ပေါ်လာသည်

“မတရားဘူး.. နင်တို့သူ့ကို မဲနိုက်တုန်း
ကသေချာပေးမနိုက်ဘူး.. ငါမြင်လိုက်တယ်.. မတရားဘူး.. ”

“စိတ်ကောင်းကောင်းထားပါ.. ” Mrs.Delacroix ကအားပေးလိုက်သည်။

“ ငါတို့အားလုံးအခွင့်အရေးအတူတူရတာပါပဲ.. ” ဟု Mrs.Graves ကဆက်ပြောလိုက်သည်။

“ တိတ်တိတ်နေ.. ” ဟု Bill Hutchinson ကသူ့ ဇနီးကိုလှမ်းအော်လိုက်သည်။


ဆက်ရန်